តំបន់គោលដៅ

បច្ចុប្បន្នផេពភីកំពុងប្រតិបត្តិការណ៍ក្នុងស្រុកចំនួន ៦ មានដូចជា ក្រុងសៀមរាប ស្រុកក្រឡាញ់ ស្រុក ស្រីស្នំ ស្រុកវ៉ារិន ស្រុកតាំងគោក និងស្រុកកំពង់លែង។ កាលពីចាប់ផ្តើមដំបូង យើងមិនបានប្រតិបត្តិការលើស្រុកទាំងនេះដូច្នេះទេ។ ស្ថាបនិករបស់យើង ដែលបានមកប្រទេសកម្ពុជា ដើម្បីគាំទ្រការអភិវឌ្ឍន៍ការអប់រំនៅកម្ពុជា បានចាប់ផ្ដើមដោយការសាងសង់សាលានៅស្រុកក្រឡាញ់។ នៅទីបំផុត អង្គភាពនេះត្រូវបានដំណើរការពេញផ្ទៃប្រទេស។ បន្ទាប់ពីបានក្លាយជាអង្គការក្នុងស្រុក ហើយផ្ដោតសំខាន់ទៅលើ ការគាំទ្រការអភិវឌ្ឍន៍យុវជន  តាមសហគមន៍គោលដៅរបស់យើងបានក្លាយជាយុទ្ធសាស្រ្តចម្បងៗថែមទៀត។ ដោយសារការមានប្រវត្ដិសាស្ដ្រ និងទំនាក់ទំនង ដ៏រឹងមាំជាមួយស្រុកក្រឡាញ់ យើងបានជ្រើសយកទីតាំងដ៏ល្អមួយនេះក្នុងការដំណើរការកម្មវិធីរបស់យើងរហូតដល់បច្ចុប្បន្ន។  

កម្មវិធីអប់រំតាមសហគមន៍របស់យើង មានដូចជា គម្រោងគ្រប់គ្រងក្ដីប្រាថ្នា និងគម្រោងអាហារូបករណ៍សម្រាប់ថ្នាក់ឧត្ដមសិក្សា មានវត្ដមានក្នុងស្រុកស្រីស្នំចាប់ពីឆ្នាំ ២០១៧ ដល់ឆ្នាំ២០២១។ យើងបានដកគម្រោងចេញពីទីនោះដោយ ផ្តោតលើសាលាគោលដៅថ្មី ដែលមានតម្រូវការការគាំទ្រពីយើង។ យើងបានផ្ដល់អាហារូបករណ៍ ដល់សិស្សដែលជាប់អាហារូបករណ៍មកពីស្រុកស្រីស្នំរហូតដល់ឆ្នាំ ២០២១ ដូច្នេះយើងនឹងបន្ដជួយពួកគេរហូតដល់ពួកគាត់បានបញ្ចប់ការសិក្សា។  

បន្ទាប់ពីពង្រឹងដៃគូកម្មវិធីអប់រំតាមសហគមន៍ យើងបានពង្រីកកម្មវិធីរបស់យើងទៅកាន់ស្រុកវ៉ារិន ក្នុងឆ្នាំ ២០១៩។ ស្រុកវ៉ារិនត្រូវបានជ្រើសរើស ដោយផ្ដោតទៅលើការស្រាវជ្រាវ តាមតំបន់ដូចជា៖  

-> ការទទួលស្គាល់ពីសាលាដៃគូ និងសហគមន៍ដែលមានសក្ដានុពលដល់កម្មវិធី 

-> ស្ថិតិប្រៀបធៀបរវាង សិស្សបង់បង់ការសិក្សា និងសិស្សបន្ដការសិក្សាថ្នាក់ឧត្តមសិក្សា 

-> សមត្ថភាពរបស់យើងក្នុងការ បង្កើនការគាំទ្រពីរដ្ឋាភិបាលក្នុងតំបន់ 

តាមរយៈការធ្វើតាមជំហានដ៏សំខាន់មួយនេះ យើងអាចធ្វើអោយប្រាកដថា យើងបានផ្សារភ្ជាប់ជាមួយដៃគូក្នុងសហគមន៍ ដែលមានអ្នកដឹកនាំក្នុងតំបន់ជួយគាំទ្រដល់យើង។ ការគាំទ្រនេះធ្វើការឱ្យកម្មវិធី សិក្សាកាន់តែជោគជ័យ​ និងមាននិរន្ដន៍ភាព​!  

បន្ថែមពីនេះទៅទៀត យើងក៏ផ្ដល់អាហារូបករណ៍ដល់សិស្សានុសិស្ស នៅក្នុងស្រុក តាំងគោក និងស្រុកកំពង់លែងផងដែរ។ យើងបានធ្វើការជាមួយ អង្គការឆ្ពោះទៅមុខ តាមរយៈមូលនិធិ iHerb Charitable ដើម្បផ្ដល់ឱកាស​ដល់យុវជនបានទទួលការអប់រំថ្នាក់ឧត្តមសិក្សា។  

មជ្ឈមណ្ឌលបណ្ដុះបណ្ដាលផេពភី គឺស្ថិតនៅក្នុងក្រុងសៀមរាប ហើយមជ្ឈមណ្ឌលនេះបានជួយគាំទ្រយុវជនហូតដល់ ៦០នាក់ក្នុងមួយឆ្នាំៗ ដែលមាននិស្សិតអាហារូបករណ៍ឆ្នាំទី១ និងសិស្សានុសិស្សមកពីតំបន់ជនបទផ្សេងទៀត។ យើងផ្ដល់ជូនយុវជនយើង​នូវ ការបណ្ដុះបណ្ដាល និងការអភិវឌ្ឍន៍ជំនាញរឹង និងជំនាញទន់ រយៈពេលមួយឆ្នាំ។ តាមរយៈកម្មវិធីសិក្សារបស់យើង យើងបានធ្វើឱ្យប្រាកដថា យុវជនដែលបានបញ្ចប់ការសិក្សា បានត្រៀមខ្លួនជាស្រេច ក្នុងការរៀបចំខ្លួន បន្ទាប់ពីបានបញ្ចប់ការសិក្សាពេញមួយឆ្នាំពីកម្មវិធីរបស់យើង។  

កម្មវិធីចុងក្រោយ កម្មវិធីយុវជនច្នៃប្រឌិត និងបណ្ដុះគំនិតអាជីវកម្មរបស់យើង  ដែលទីតាំងការិយាល័យស្ថិតនៅកណ្ដាលក្រុងសៀមរាប។ កម្មវិធីនេះបានផ្ដល់នូវការបណ្ដុះបណ្ដាល យ៉ាងលម្អិតដល់សហគ្រិនវ័យក្មេងក្នុងការអភិវឌ្ឍន៍ និងការប្រតិបត្តិគំនិតអាជីវកម្មរបស់ពួកគេ។ ក្រុមការងាររបស់យើងក៏មានបណ្ណាល័យសម្រាប់យុវជនចូលអាន ផ្ដល់ឳកាសធ្វើការតាំងពិព័រណ៍អាជីវកម្ម និងកន្លែងសម្រាប់ធ្វើការរួមក្រុមផងដែរ។