អបអរសាទរសិស្សអាហារូបករណ៍ជាង៣០០នាក់ទទួលបានអាហារូបករណ៍ពីផេពភីសូមឈ្វេងយល់ស៊ីជម្រៅបន្ថែមទៀតពីផលជះបែបវិជ្ជមាននៃកម្មវិធី និងផែនការអនាគតរបស់យើង
ខែតុលា 23, 2023
សម្រាប់ក្រុមការងារផេពភី មានពិធីបុណ្យប្រពៃណីពីបីសកម្មភាព ដែលយើងទន្ទឹងរង់ចាំអំឡុងពេលប្រារព្ធពីធីបុណ្យអុំទូកនេះទៅទៀត។ ការឈប់សម្រាកក្នុងថ្ងៃបុណ្យជាច្រើនថ្ងៃមានអត្ថន័យច្រើនណាស់សម្រាប់ប្រជាជនខ្មែរ។ ការប្រារព្ធពិធីបុណ្យអុំទូកមានន័យថាវាជាពេលវេលា ផ្សារភ្ជាប់ទំនាក់ទំនងជាមួយក្រុមគ្រួសារ និងមិត្តភ័ក្តិ ការដឹងគុណចំពោះធម្មជាតិជុំវិញយើង និងគោរពវប្បធម៌ដ៏ល្អរបស់ដូនតាខ្មែរ។
តើអ្វីទៅជាពិធីបុណ្យអុំទូក?
ពិធីបុណ្យអុំទូក អកអំបុក សំពះព្រះខែ ជាបុណ្យប្រពៃណីរបស់ប្រជាជនកម្ពុជា គឺជាថ្ងៃឈប់សម្រាកដ៏សំខាន់បំផុតមួយរបស់ប្រទេសកម្ពុជា។ ពិធីបុណ្យនេះរួមមានការប្រណាំងទូក ការរៀបចំ និងទទួលទានម្ហូបប្រពៃណី ព្រឹត្តិការណ៍សហគមន៍ផ្សេងៗ ការសែនអំបុក និងសែនព្រះខែ។ ថ្ងៃឈប់សម្រាកត្រូវបានប្រារព្ធឡើងសម្រាប់ហេតុផលជាច្រើនរួមមាន៖
- ការហូរបញ្ច្រាស់នៃលំហូរបឹងទន្លេសាប។ ទឹកទន្លេសាបពិតជាហូរបញ្ច្រាសទិស ហើយបាតុភូតធម្មជាតិនេះត្រូវបានគេសង្កេតឃើញក្នុងអំឡុងពិធីបុណ្យអុំទូក។ ព្រឹត្តិការណ៍នេះកើតឡើងនៅពេលដែលទឹកពីទន្លេមេគង្គដែលប្រសព្វជាមួយទឹកទន្លេសាបក្នុងរាជធានីភ្នំពេញ រុញទឹកឡើងលើទន្លេសាប និងហូរចូលទៅក្នុងបឹងទន្លេសាបក្នុងខេត្តសៀមរាប។
- ការឈានចូលរដូវនេសាទ។ ពិធីបុណ្យអុំទូក ជាពិធីបុណ្យគោរពតាមបែបជំនឿសាសនារំលឹកដល់គុណរបស់ទឹក ដែលនាំមកនូវភោគផលដល់ផ្នែកកសិកម្ម ឱ្យទទួលបានផល ត្រី និងស្រូវ ក្នុងឆ្នាំខាងមុខនេះ។
- ការរំលឹកគុណ និងការគោរពដល់ព្រះមហាក្សត្រខ្មែរ ព្រះនាមព្រះបាទជ័យវរ្ម័នទី៧នៃសតវត្សរ៍ទី១២ ដោយការរៀបចំនាវាចម្បាំង (តំណាងឱ្យកងទ័ពជើងទឹក) សម្រាប់ធ្វើសឹកសង្គ្រាមតាមផ្លូវទឹក។ យើងក៏មានរូបចម្លាក់តាមប្រាសាទអំពីការប្រណាំងទូក និងការធ្វើសឹកសង្គ្រាមតាមផ្លូវទឹកផងដែរ។
ពិធីបុណ្យអុំទូក ជាទូទៅធ្វើឡើងនៅចុងខែតុលា ឬដើមខែវិច្ឆិកា ដែលជារឿយៗត្រូវនឹងពាក់កណ្តាលរដូវស្លឹកឈើជ្រុះ តាមប្រតិទិនចន្ទគតិ ដែលជាការបញ្ចប់រដូវភ្លៀងធ្លាក់។ ក្នុងឆ្នាំ២០២៣នេះ ពិធីបុណ្យអុំទូកនឹងប្រព្រឹត្តទៅចាប់ពីថ្ងៃទី២៦ រហូតដល់ថ្ងៃទី២៨ខែវិច្ឆិកា។
ឆ្នាំនេះកាន់តែពិសេសព្រោះលោកអ្នកត្រូវបានអញ្ជើញចូលរួមពិធីបុណ្យដ៏ពិសេសនេះ!
មិនថាលោកអ្នកកំពុងធ្វើដំណើរទៅខេត្តសៀមរាបសម្រាប់ចូលរួមពិធីបុណ្យនេះ ឬនៅឆ្ងាយរាប់ពាន់គីឡូម៉ែត្រក្ដី មានវិធីសាស្ដ្រជាច្រើនដែលលោកអ្នកអាចចូលរួមជាមួយពួកយើងបានយ៉ាងសប្បាយរីករាយ។
ការប្រារព្ធពីធីបុណ្យអុំទូក ក្នុងស្រុក និងក្រៅស្រុក
១.ការចូលរួមការប្រណាំងទូក
ក្នុងស្រុក៖ ត្រៀមខ្លួនដើម្បីលើកទឹកចិត្តក្រុមកីឡាករប្រណាំងទូក ប្រកួតនៅទីក្រុងភ្នំពេញ ឬក្រុងសៀមរាប! ការចូលរួមលើកទឹកចិត្តដល់កីឡាករប្រណាំងទូកតាមមាត់ទន្លេ និងការស្រែកហូរពពេញដោយថាមពលនៅមាត់ទន្លេគឺសប្បាយខ្លាំងណាស់ ហើយយើងសង្ឃឹមថាលោកអ្នកមានឱកាសបានចូលរួម។
ក្រៅប្រទេស៖ សូមពិនិត្យមើលការប្រណាំងទូកដោយក្រុមប្រណាំងកំពូលៗមួយចំនួន ហើយបបួលមិត្តរបស់លោកអ្នកប្រកួត ប្រណាំងទូកក្រដាស។
២.ការទទួលទានអាហារប្រពៃណី
ក្នុងស្រុក៖ សូមអញ្ជើញមកហាងនំបុ័ង និងរីករាយជាមួយម្ហូបខ្មែរដ៏ឈ្ងុយឆ្ងាញ់ ដែលចម្អិនជាពិសេសសម្រាប់ថ្ងៃបុណ្យឈប់សម្រាក។
ក្រៅប្រទេស៖ សូមធ្វើតាមរូបមន្តនេះដើម្បីភាពរីករាយ និងភាពងាយស្រួលសម្រាប់ការចម្អិនម្ហូបខ្មែរដែលមានឈ្មោះថា អាម៉ុកត្រី និងអាហារប្រពៃណីនៃពិធីបុណ្យអុំទូកដូចជាអំបុក ចេក និងដូង។
៣. រីករាយជាមួយការប្រគំតន្ដ្រី និងការរាំកម្សាន្ដ
ក្នុងស្រុក៖ចូលរួមការប្រគុំតន្ត្រីមួយក្នុងចំនោមការប្រគុំតន្ត្រីជាច្រើននៅតាមដងទន្លេទាំងក្នុងរាជធានីភ្នំពេញ និងក្រុងសៀមរាប។ ការប្រគំតន្ត្រីនិងការរៀបចំពិធីជប់លៀងផ្សេងៗ ចាប់ផ្តើមនៅពេលយប់ក្នុងពិធីបុណ្យអុំទូក។
ក្រៅស្រុក៖ មានតារាចម្រៀងដ៏អស្ចារ្យជាច្រើន សម្រាប់លោកអ្នកធ្វើការស្តាប់កម្សាន្ដ! ខាងក្រោមនេះគឺជាវីដេអូខ្លីមួយចំនួនពីសិល្បករក្នុងស្រុកដ៏អស្ចារ្យមួយចំនួនពីពិធីប្រគំតន្រ្តីរឿងរ៉ាវរបស់យើង នៃការប្រគំតន្ដ្រីរឿងរ៉ាវរបស់យើង របស់ផេពភីកាលពីឆ្នាំ២០២១។
៤. ត្រៀមខ្លួនចូលរួមក្នុងសកម្មភាពវប្បធម៌
ក្នុងស្រុក៖ ខណៈពេលដែលអ្នកស្ថិតនៅទីក្រុង សូមឈ្វេងយល់បេះដូងនៃវប្បធម៌ខ្មែរ ដោយចូលរួមក្នុងសកម្មភាពសិល្បៈ និងសកម្មភាពតាមដងទន្លេ រួមទាំងចូលរួមក្នុងការបណ្ដែតប្រទីប។
ក្រៅស្រុក៖ មើលប្រភេទតុបតែងប្រទីបដោយផ្ទាល់ និងរៀនពីរបៀបធ្វើដោយខ្លួនឯង!
៥.ទៅទស្សនាការអណ្តែតបំភ្លឺប្រទីបដោយផ្ទាល់
ក្នុងស្រុក៖ សូមកុំខកខានការទស្សនាការដង្ហែក្បួនប្រទីបអណ្តែតទឹក! ក្បួនដង្ហែរប្រទីបក្នុងទីក្រុងភ្នំពេញពិតជាអស្ចារ្យ និងមានតម្លៃសម្រាប់ការទៅទស្សនាផ្ទាល់។
ក្រៅស្រុក៖ មានសហគមន៍ខ្មែរជាច្រើននៅជុំវិញពិភពលោកកំពុងសង្កេតនិងប្រារព្ធពិធីបុណ្យបុណ្យអុំទូក។ យើងលើកទឹកចិត្តលោកអ្នកឱ្យទៅទស្សនាប្រាសាទក្នុងតំបន់របស់អ្នក ឬរកមើលក្បួនដង្ហែរ ឬព្រឹត្តិការណ៍សហគមន៍ដែលរៀបចំពិធីបុណ្យនេះ។ ប្រសិនបើមិនមានការប្រារព្ធពិធីណាមួយកើតឡើងនៅក្នុងតំបន់របស់លោកអ្នកទេ យើងសូមអញ្ជើញអ្នកឱ្យតាមដានពួកយើងនៅលើបណ្ដាញសង្គម TikTok ផ្ទាល់របស់ផេពភី ដែលនឹងផ្សាយចេញព័ត៌មានថ្មីៗ!
មុនពេលទៅចូលរួមពិធីបុណ្យអុំទូក៖
យើងសង្ឃឹមថាលោកអ្នករីករាយនឹងការអានខ្លឹមសារអត្ថបទនេះ ដែលយើងបានណែនាំពីសម្មភាពសប្បាយខ្លះដើម្បីអបអរពិធីបុណ្យអុំទូកក្នុងឆ្នាំនេះ!
ប្រសិនជាលោកអ្នកត្រូវការជំនួយផ្សេងៗអំពីការនាំយកពិធីបុណ្យអុំទូកទៅកាន់សហគមន៍របស់លោកអ្នក ឬចង់យល់ដឹងបន្ថែមអំពីពិធីបុណ្យនៃថ្ងៃឈប់សម្រាកផ្សេងទៀតនៃប្រទេសកម្ពុជា យើងសង្ឃឹមថាលោកអ្នកនឹងធ្វើការទាក់ទងមកកាន់ពួកយើង!
រីករាយពិធីបុណ្យអុំទុក អកអំបុក សំពះព្រះខែ!
