ការធ្វើបច្ចុប្បន្នភាពពីអតីតយុវជនកម្មវិធីបណ្ដុះគំនិតអាជីវកម្ម៖ តើបច្ចុប្បន្ននេះពួកគេនៅទីណា?
ខែកញ្ញា 4, 2023
អបអរសាទរសិស្សអាហារូបករណ៍ជាង៣០០នាក់ទទួលបានអាហារូបករណ៍ពីផេពភីសូមឈ្វេងយល់ស៊ីជម្រៅបន្ថែមទៀតពីផលជះបែបវិជ្ជមាននៃកម្មវិធី និងផែនការអនាគតរបស់យើង
ខែតុលា 23, 2023
នៅថ្ងៃទី១៨ ដល់ ២២ខែកញ្ញា ក្រុមការងារផេពភី បានរៀបចំដំណើរកម្សាន្ដបុគ្គលិកប្រចាំឆ្នាំជាលើកដំបូងរបស់យើងចាប់តាំងពីជំងឺរាតត្បាត ដែលនេះជាសញ្ញានៃការវិលត្រឡប់ទៅរកភាពធម្មតាវិញបន្ដិចម្ដងៗ ចាប់តាំងពីការប្រយុទ្ធប្រឆាំងនឹងវិបត្តិ និងបញ្ហាប្រឈមជាច្រើនឆ្នាំកន្លងមក។ ដំណើរកម្សាន្ដបុគ្គលិកប្រចាំចាំឆ្នាំរបស់បុគ្គលិកផេពភី គឺជាពេលវេលាដ៏សំខាន់មួយដើម្បីជួបជុំគ្នា ពង្រីកទំនាក់ទំនង ពិនិត្យមើលយុទ្ធសាស្ត្រនិងកិច្ចខិតខំប្រឹងប្រែងរបស់កម្មវិធី ការទទួលស្គាល់ និងកំណត់ផ្នែកណាមួយដែលយើងអាចកែលម្អទំនាក់ទំនង ដំណើរការការងារ សម្រាប់គាំទ្រគ្នាទៅវិញទៅមកឱ្យបានល្អជាងមុន។ ចាប់តាំងពីឆ្នាំ២០២០ យើងបានធ្វើប្រតិបត្តិការជាច្រើនដើម្បីបំពេញតម្រូវការផ្លាស់ប្តូរយ៉ាងឆាប់រហ័សរបស់សមាជិកក្នុងសហគមន៍របស់យើងដែលកំពុងប្រឈមមុខនឹងការបាត់បង់ការងារ ការបិទសាលារៀនជាយូរអង្វែង និងការខ្វះសុវត្ថិភាពអាហារ។
បច្ចុប្បន្ន ដោយសារតែស្ថានភាពបានប្រសើរឡើង នារដូវប្រាំងនៃឆ្នាំ២០២៣ យើងបានធ្វើការវាយតម្លៃឡើងវិញនូវកម្មវិធីរបស់យើង ដើម្បីធានាថាពួកគេបានបំពេញតម្រូវការរបស់យុវជននៅក្នុងពិភពលោកក្រោយការរាតត្បាត ហើយផ្តោតលើសុខភាពផ្លូវចិត្ត និងសុខុមាលភាពក្រុមការងាររបស់យើង។ ដូច្នេះ ការដំណើរការឡើងវិញនៃដំណើរកម្សាន្ដបុគ្គលិកប្រចាំឆ្នាំ គឺជាអាទិភាពមួយហើយបានរៀបចំ ឡើងតាមរយៈកិច្ចខិតខំប្រឹងប្រែងឥតឈប់ឈររបស់សមាជិកក្រុមការងារប្រតិបត្តិ ហិរញ្ញវត្ថុ និងរដ្ឋបាលរបស់យើង ។
សម្រាប់ខ្លឹមសារអត្ថបទនេះ យើងនឹងលើកបង្ហាញ និងចែករំលែកព្រឹត្តិការណ៍និងលទ្ធផលសំខាន់មួយចំនួននៃការត្រឡប់មកពីដំណើរកម្សាន្ដបុគ្គលិកប្រចាំឆ្នាំរបស់យើងជាមួយលោកអ្នក។
ទិដ្ឋភាពទូទៅនៃដំណើរកម្សាន្ដបុគ្គលិកប្រចាំឆ្នាំ
ឆ្នាំនេះ ដំណើរកម្សាន្ដបុគ្គលិកប្រចាំឆ្នាំ បានធ្វើឡើងនៅខេត្តព្រះសីហនុ និងកំពត ដែលឆ្នេរទាំងពីជាតំបន់ឆ្នេរដ៏ស្រស់ស្អាតក្នុងប្រទេសកម្ពុជា។ គោលបំណងនៃការដំណើរកម្សាន្ដបុគ្គលិកប្រចាំឆ្នាំរបស់ផេពភី គឺដើម្បីផ្តល់នូវបទពិសោធន៍ប្លែកៗ និងថ្មីៗដល់ក្រុមការងារ ខណៈពេលដែលយើងបានជួបជុំគ្នា។ ដំណើរកម្សាន្តនីមួយៗផ្តល់ឱកាសដ៏កម្រក្នុងការធ្វើដំណើរទៅក្រៅខេត្តសៀមរាប ហើយសមាជិករបស់យើងខ្លះ វាគឺជាលើកទីមួយរបស់ពួកគាត់ដែលបានធ្វើដំណើរឆ្ងាយពីខេត្តសៀមរាប។ ជាលទ្ធផល យើបានចែករំលែកបទពិសោធន៍ថ្មីៗ និងបង្កើតការចងចាំដ៏មានអត្ថន័យជាមួយគ្នា។ ក្នុងអំឡុងពេលដំណើរកម្សាន្ដនេះ ពួកយើងបានចែកបន្ទប់ជាមួយសមាជិកក្រុមមកពីកម្មវិធីផ្សេងឬផ្នែកផ្សេងទៀត ដើម្បីឱ្យអ្នកគ្រប់គ្នាអាចទំនាក់ទំនងជាមួយគ្នា ទោះមិនបានធ្វើការផ្នែកតែមួយក៏ដោយ។ ការធ្វើបែបនេះបានអនុញ្ញាតឱ្យសមាជិកក្រុមរបស់យើងស្វែងយល់បន្ថែមអំពីគ្នាទៅវិញទៅមក និងបង្កើនភាពសិ្នតស្នាល និងការយល់ដឹងរវាងគ្នា និងគ្នា។
របៀបវារៈ និងសកម្មភាពសំខាន់ៗ
ថ្ងៃដំបូងនៃដំណើរកម្សាន្ដរបស់យើង យើងបានធ្វើដំណើរពីសៀមរាប ទៅខេត្តព្រះសីហនុ ដែលត្រូវចំណាយពេលប្រហែល ១២ម៉ោង។ ក្នុងអំឡុងពេលជិះឡាន ពួកយើងបានច្រៀង ចែករំលែករឿងរ៉ាវផ្សេងៗ និងព័ត៌មានថ្មីៗ ការលេងហ្គេមសប្បាយៗជាមួយគ្នា។ បន្ទាប់ពីបានមកដល់ក្រុងព្រះសីហនុ ពួកយើងបានសម្រាកបន្ដិច រួចបាននាំគ្នាទៅពិសាអាហារសមុទ្រហើយចូលគេងរៀងៗខ្លួន។ នេះជាសកម្មភាពនៃការធ្វើដំណើរកម្សាន្ដរបស់យើងក្នុងថ្ងៃទីមួយ។
នៅថ្ងៃបន្ទាប់យើងបានទៅចុះទស្សនកិច្ចជាមួយដៃគូអង្គការក្រៅរដ្ឋាភិបាលមួយ គឺអង្គការម្លប់តាប៉ាង។ អង្គការម្លប់តាប៉ាង គឺផ្តោតលើការបំបែកវដ្តនៃភាពក្រីក្រក្នុងខេត្តព្រះសីហនុ ដោយផ្តល់ការអភិវឌ្ឍន៍ និងការគាំទ្រយ៉ាងទូលំទូលាយដល់កុមារ និងយុវជនងាយរងគ្រោះ ព្រមទាំងក្រុមគ្រួសាររបស់ពួកគេ។ កម្មវិធីរបស់ពួកគេគឺស្រដៀងទៅនឹង កម្មវិធីរបស់ផេពភី ហើយយើងមានអារម្មណ៍ថាយើងមានរឿងជាច្រើនដែលត្រូវរៀនសូត្រពីគ្នាទៅវិញទៅមក។ ក្នុងដំណើរនៃការចុះទស្សនកិច្ចនេះផងដែរ យើងបានដើរទស្សនាយ៉ាងស៊ីជម្រៅនៃកម្មវិធីរបស់ពួកគេទាំងមូល ហើយការចុះទស្សនកិច្ចនេះ ជាការផ្លាស់ប្តូរដ៏វិជ្ជមាន និងសំខាន់សម្រាប់យើង។
នាយកគ្រប់គ្រងផេពភី លោក មាន លុជ្យ បានធ្វើបទបង្ហាញចំពោះការពិចារណាពីចំណុចដែលជាបញ្ហាប្រឈមនៅពេលខាងមុខ និងអ្វីដែលយើងអាចកែលម្អបានដើម្បីជួយគ្នាទៅវិញទៅមក ហើយធានាថាយើងសម្រេចបាននូវគោលដៅដែលបានគ្រោងទុកសម្រាប់ឆ្នាំនីមួយៗ។ យើងក៏បានធ្វើការពិនិត្យមើលវឌ្ឍនភាពលើផែនការយុទ្ធសាស្រ្ត៥ឆ្នាំរបស់យើងផងដែរ។ ការពិភាក្សានេះបានជួយយើងពិចារណាបន្ថែមទៀតអំពីរបៀបដែលការងាររបស់កម្មវិធីនីមួយៗមានទំនាក់ទំនងគ្នាទៅវិញទៅមក និងកំណត់សកម្មភាពជាក់ស្តែងក្នុងរយៈពេលប៉ុន្មានខែខាងមុខ។
យើងបានបញ្ចប់កិច្ចប្រជុំ ដោយការអរគុណដល់បុគ្គលិកទាំងអស់ចំពោះការខិតខំប្រឹងប្រែងធ្វើការ និងបានចាប់ឆ្នោតសំណាងដើម្បីទទួលបានរង្វាន់លើកទឹកចិត្ត។ យើងបានទទួលស្គាល់ និងថ្លែងអំណរគុណដល់អ្នកដែលបានធ្វើការរៀបចំដំណើរកម្សាន្ដបុគ្គលិកឆ្នាំនេះ និងផ្ដល់រង្វាន់ភក្ដីភាពសម្រាប់និយោជិក ក៏ដូចជាចូលរួមអបអរសាទរសមាជិកក្រុមការងារដែលបានធ្វើការជាមួយផេពភី អស់រយៈពេលជាច្រើនឆ្នាំ អរគុណចំពោះការរួមចំណែករបស់ពួកគេដើម្បីអង្គការមួយនេះ។ ក្នុងអំឡុងពេលចាប់ឆ្នោតផ្សងសំណាង សមាជិកក្រុមទាំងអស់ទទួលបានរង្វាន់ដោយក្ដីត្រេកអរ និងពពេញដោយភាពសប្បាយរីករាយ។ នាពេលល្ងាចនៃដំណើរកម្សាន្ដនេះ យើងបានពិសាអាហារពេលល្ងាចនិងទស្សនាឆ្នេរសមុទ្រនាពេលរាត្រី។
នៅថ្ងៃបន្ទាប់គឺផ្តោតលើសម្មភាពកសាងក្រុម មានដូចជា ការលេងបៀ ខ្លះទៀតជជែកគ្នាលេង ហើយខ្លះទៀតរីករាយជាមួយការស្ដាប់តន្ត្រី។ ទោះបីជាមានភ្លៀងធ្លាក់ខ្លះៗក៏ដោយ ក៏សមាជិកក្រុមបានដើរទស្សនាក្នុងក្រុងព្រះសីហនុ និងដើរទិញអីវ៉ាន់ផ្សេងៗ។ អាហារសមុទ្រលក់តាមដងផ្លូវពិតជាមានរស់ជាតិឆ្ងាញ់ និងមិនអាចបំភ្លេចបាន។
រយៈពេលពេញមួយនៅថ្ងៃចុងក្រោយនៃដំណើរកម្សាន្ដ យើងបានធ្វើដំណើរពីក្រុងព្រះសីហនុទៅកាន់ខេត្តកំពត ដើម្បីទៅទស្សនាឧទ្យានជាតិភ្នំបូកគោ។ តាមផ្លូវឡើងភ្នំបូកគោ អ្នករាល់គ្នាចូលចិត្តថតរូបជាក្រុម និងបានទៅទស្សនាកាស៊ីណូចាស់នៅលើកំពូលភ្នំ។ ការផ្សារភ្ជាប់ជាមួយនឹងធម្មជាតិ និងការស្វែងយល់ពីប្រវត្តិសាស្ត្រ និងវប្បធម៌របស់ប្រទេសកម្ពុជាបានផ្លាស់ប្តូរ និងផលជះបែបវិជ្ជមានសម្រាប់ក្រុមការងាររបស់យើង។ បន្ទាប់ពីមកដល់សណ្ឋាគារ សមាជិកក្រុមបានផ្លាស់ប្ដូរមិត្តរួមបន្ទប់ថ្មី។
នៅថ្ងៃត្រឡប់មកវិញ សមាជិកក្រុមការងារជាច្រើនបានទិញអំណោយជូនមិត្តភ័ក្តិ និងក្រុមគ្រួសារនៅផ្សារសាមគ្គីខេត្តកំពត។ ហើយបន្ទាប់មកយើងបានចាប់ផ្តើមដំណើរដ៏ឆ្ងាយត្រឡប់ទៅខេត្តសៀមរាបវិញ។ សមាជិកក្រុមមួយចំនួនបានសុំចុះឈប់នៅជិតព្រលានយន្តហោះក្នុងទីក្រុងភ្នំពេញ បន្ដដំណើរទៅមុខទៀតយើងបានទទួលទានអាហារពេលល្ងាចជាមួយគ្នានៅខេត្តកំពង់ធំ (ជាស្រុកមួយដែលសិស្សអាហារូបករណ៍របស់យើងជាច្រើននាក់មកពីស្រុកនេះ)។ ទីបំផុតក្រុមការងារបានមកដល់ការិយាល័យវិញនៅម៉ោង ១០ និង ៣០នាទីយប់។
លទ្ធផលសំខាន់ៗពីការត្រឡប់មកពីដំណើរកម្សាន្ដវិញ
- ខណៈពេលដែលធ្វើដំណើរឆ្ងាយពីផ្ទះ បាននាំឱ្យយើងទាំងអស់នៅក្នុងក្រុមកាន់តែមានភាពជិតស្និទ្ធគ្នា បានជួយយើងឱ្យមានអារម្មណ៍រួបរួមគ្នាក្នុងកិច្ចខិតខំប្រឹងប្រែង ក្នុងការជួយដល់យុវជនក្នុងសហគមន៍របស់យើង។ យើងទាំងអស់គ្នាស្គាល់គ្នាទៅវិញទៅមកយ៉ាងជ្រៅជាងមុន និងយល់ពីគ្នាទៅវិញទៅមក ពីលំហូរការងារ និងការទំនាក់ទំនងគ្នាទៅវិញទៅមក។ ឥឡូវនេះ យើងមានអារម្មណ៍ថា យើងអាចគាំទ្រគ្នាទៅវិញទៅមកបានល្អជាងមុន។
- ក្រោយពីការខិតខំធ្វើការយ៉ាងខ្លាំង អស់រយៈពេលជាច្រើនឆ្នាំ ដែលជាញឹកញាប់ធ្វើការលើសម៉ោង និងនៅចុងសប្តាហ៍យើងអាចភ្លេចនូវរឿងដែលសំខាន់បំផុត និងអ្វីដែលយើងទាំងអស់គ្នាកំពុងធ្វើការរួមគ្នា ដើម្បីសម្រេចបាននូវលទ្ធផល។ ក្នុងដំណើរកម្សាន្ដនេះផងដែរ យើងសូមរំលឹកថា អ្វីដែលយើងធ្វើគឺសំខាន់ យើងផ្តល់អាទិភាពដល់សុខុមាលភាពរបស់យើង ដើម្បីធ្វើការងារឱ្យបានល្អបំផុត។ បើទោះជាយើងមិនអាចទៅលេងឆ្នេរ និងញ៉ាំគ្រឿងសមុទ្រដូចគ្នានៅខេត្តសៀមរាបក៏ដោយ ក៏យើងត្រូវតែចងចាំថា កុំភ្លេចថែទាំខ្លួនដើម្បីរក្សាតុល្យភាព ធ្វើការឆ្លុះបញ្ចាំងពីខ្លួនឯង និងប្រមូលថាមពលឡើងវិញ។
- នាយកគ្រប់គ្រងផេពភីនឹងដឹកនាំកិច្ចខិតខំប្រឹងប្រែងរបស់យើងដើម្បីរៀបចំកិច្ចប្រជុំជាប្រចាំ។ ការត្រួតពិនិត្យជាប្រចាំ និងការវាយតម្លៃវឌ្ឍនភាព លើផែនការយុទ្ធសាស្រ្តគឺជាគន្លឹះនៃភាពជោគជ័យរបស់យើង។
- យើងបានរៀនសូត្របានជាច្រើនពី អង្គការដែលកំពុងប្រតិបត្តិការស្រដៀងគ្នា និងយើងនៅក្នុងសហគមន៍ និងតំបន់ផ្សេងៗគ្នា។ ម្លប់តាប៉ាង គឺជាដៃគូដ៏សំខាន់ ការយល់ដឹង និងបទពិសោធន៍នៃអង្គការមួយនេះ ពិតជាមានសារៈសំខាន់ចំពោះភាពជោគជ័យរបស់យើង។ យើងសង្ឃឹមថាការចុះទស្សនកិច្ចដើម្បីផ្លាស់ប្ដូរបទពិសោធន៍ពិតជាមានអត្ថន័យសម្រាប់ពួកគេ! យើងទន្ទឹងរង់ចាំទទួលស្វាគមន៍ដៃគូសហគមន៍បន្ថែមទៀតមកចុះទស្សនកិច្ចការិយាល័យរបស់យើងផ្ទាល់ ហើយយើងនៅតែបន្ដចុះទស្សនកិច្ចទៅកាន់អង្គការដែលកំពុងធ្វើការឆ្ពោះទៅរកបេសកកម្មស្រដៀងគ្នាជាមួយយើងផងដែរ។
សរុបសេចក្ដី
បច្ចុប្បន្ន យើងកំពុងដំណើរការពង្រីកគម្រោងគ្រប់គ្រងក្តីប្រាថ្នារបស់យើងទៅកាន់វិទ្យាល័យបន្ថែមផ្សេងទៀត យើងកំពុងផ្លាស់ប្តូរ ការិយាល័យថ្មីទៅអាគារធំជាងមុន! យើងមានសេចក្តីរំភើបរីករាយ និងមានកិត្តិយសដែលអាចគាំទ្រដល់យុវជនជាច្រើនទៀតនៅក្នុងសហគមន៍របស់យើង ហើយថែមទាំងផ្តល់កន្លែងទំនេរដល់អង្គការក្នុងស្រុកផ្សេងទៀត។
ការចូលរួមក្នុងដំណើរកម្សាន្ដប្រចាំឆ្នាំរបស់បុគ្គលិកបានធ្វើឱ្យក្រុមការងាររបស់យើងស្ថិតក្នុងផ្នត់គំនិតវិជ្ជមាន ដើម្បីឈានទៅមុខ បានប្រសើរជាងមុន។ ក្នុងនាមជាក្រុម យើងមានអារម្មណ៍ថាយើងមានភាពខ្លាំងជាងមុន មានការគាំទ្រ និងមានថាមពល។
យើងសូមថ្លែងអំណរគុណដល់សមាជិកក្រុមទាំងអស់ និងម្ចាស់ឧបត្ថម្ភ អ្នកគាំទ្រ ដែលបានធ្វើឱ្យដំណើរកម្សាន្ដបុគ្គលិកនៅឆ្នាំនេះអាចប្រព្រឹត្តិទៅដោយរលូន។ យើងរួមគ្នាធ្វើការងារលើវិធានការសំខាន់ៗនៅឆ្នាំ២០២៤ ដើម្បីផ្លាស់ប្តូរការអភិវឌ្ឍន៍អាជីព និងការអប់រំនៅក្នុងតំបន់។
