គំនិតផ្តួចផ្តើមថ្មី

គំនិតផ្តួចផ្តើមថ្មីដំបូងរបស់យើង គឺគម្រោងកុំព្យូទ័រអនាគតប្រសើរ និងបណ្ណាល័យ។ បន្ទប់កុំព្យូទ័រ      និងបណ្ណាល័យ របស់យើងបានអនុញ្ញាតឱ្យយុវជនជួលកុំព្យូទ័រយួរដៃ ទូរស័ព្ទដៃ Hard Drive និងឧបករណ៍បច្ចេកវិទ្យាផ្សេងៗបន្ថែមទៀត ដោយមានការបង់ថ្លៃសេវាតិចតួចប៉ុណ្ណោះ។ នៅពេលរីករាលដាលនៃជំងឺកូវីដ-១៩ យើងបានចាប់ផ្តើមគម្រោងកុំព្យូទ័រអនាគតប្រសើរ និងបណ្ណាល័យដើម្បីផ្តល់ឱ្យយុវជនផេពភី អាចចូលទៅប្រើប្រាស់បច្ចេកវិទ្យា សម្រាប់ការងារ និងការសិក្សារបស់ពួកគេ។ មុនមានបន្ទប់គម្រោងកុំព្យូទ័រអនាគតប្រសើរ និងបណ្ណាល័យ យុវជនរបស់យើង មានលទ្ធភាពប្រើប្រាស់កុំព្យូទ័រតែក្នុងពេលរៀនប៉ុណ្ណោះ វាបានបង្កជាភាពរាំងស្ទះដល់សមត្ថភាពរបស់យុវជន ក្នុងការបង្កើនជំនាញបច្ចេកវិទ្យារបស់ពួកគេ។

ក្នុងអំឡុងពេលបិទខ្ទប់ បញ្ហានេះបានក្លាយជាអាទិភាពសម្រាប់អង្គការរបស់យើង។ សម្រាប់សិស្សចាប់ផ្តើមដំបូង ពួកគេមានការលំបាកក្នុងការចូលរួម និងចូលរៀនក្នុងថ្នាក់របស់ពួកគេនៅផេពភី និងនៅសាលារៀន។ ពួកគេថែមទាំង ត្រូវបំពេញកិច្ចការសាលានៅផ្ទះ តាមរយៈទូរស័ព្ទរបស់ពួកគេ។ យើងបានដឹងថា យើងត្រូវដោះស្រាយបញ្ហានេះឱ្យឆាប់រហ័ស ហើយយើងក៏បានបើកគម្រោងកុំព្យូទ័រអនាគតប្រសើរ និងបណ្ណាល័យនៅចុងឆ្នាំ២០២០។

បច្ចុប្បន្ននេះគម្រោងកុំព្យូទ័រអនាគតប្រសើរ និងបណ្ណាល័យ បានអនុញ្ញាតឱ្យយុវជនមានជំនាញបច្ចេកវិទ្យាច្រើនជាងយើងអាចរំពឹងទុកទៅទៀត! អតីតសិស្ស និងសិស្សអាហារូបករណ៍បច្ចុប្បន្នបានធ្វើការស្រាវជ្រាវ ប្រើប្រាស់បច្ចេកវិទ្យាដើម្បីផ្សព្វផ្សាយអាជីវកម្មរបស់ពួកគេ បង្រៀនតាមអ៊ីនធឺណិត និងរៀនពីរបៀបបង្កើតកូដផងដែរ! ជាលទ្ធផលយើង បានបង្កើតកម្មវិធីសិក្សាផ្នែកបច្ចេកវិទ្យា ព័ត៌មានវិទ្យា ដ៏ រឹងមាំ និងបានបង្កើតក្លឹបសរសេរកូដ ដើម្បីផ្លាស់ប្តូរគំនិត និងរៀបចំកិច្ចប្រជុំសមាជិកក្រុមក្លឹបបង្កើតកូដ។

បច្ចុប្បន្ននេះយើងកំពុងស្វែងរកការបរិច្ចាគជាសម្ភារៈ និងរៃអង្គាសថវិកា ដើម្បីទទួលបាន កុំព្យូទ័រមួយទឹក និងកុំព្យូទ័រថ្មី ដើម្បីបំពេញតម្រូវការរបស់សហគមន៍របស់យើង! ប្រសិនបើលោកអ្នកអាចជួយយើងបាន សូមទាក់ទងមកយើង!