ការគ្រប់គ្រងនៃបច្ចេកវិទ្យា បញ្ញាសិប្បនិម្មិត: ៖តើអង្គការមិនរកប្រាក់ចំណេញនៅកម្ពុជាអាចត្រៀមខ្លួនយ៉ាងដូចម្តេចសម្រាប់អនាគត  

នៅពេលដែលកម្មវិធី ChatGPT និងបច្ចេកវិទ្យបញ្ញាសិប្បនិម្មិត (AI) ផ្សេងទៀតបានចាប់ផ្តើមដាក់ឱ្យប្រើប្រាស់ ក្រុមការងាររបស់យើងមានការរំភើប ភ័យព្រួយ និងមានភាពស្រពេចស្រពិលអំពីផលប៉ះពាល់ដែលបច្ចេកវិទ្យាបញ្ញាសិប្បនិម្មិតនេះអាចធ្វើឱ្យកើតមានទៅលើសេវាកម្ម និងការងាររបស់យើងបាន។ 

ទោះបីជាយើងព្រួយបារម្ភយ៉ាងណាក្ដី យើងត្រូវប្រឈមមុខនឹងការពិតថា បច្ចេកវិទ្យាបញ្ញាសិប្បនិម្មិត (AI) មិនមែនជាគំនិតស្រមើស្រមៃសម្រាប់អនាគតទៀតទេ ប៉ុន្តែវាគឺជាការពិតដែលកើតមានក្នុងពេលបច្ចុប្បន្ននេះ។  យើងដឹងថាក្រុមហ៊ុន និងអង្គភាពសាជីវកម្មជាច្រើនកំពុងទទួលយក បច្ចេកវិទ្យាបញ្ញាសិប្បនិម្មិត (AI) រួចទៅហើយ ហើយយើងបានដឹងភ្លាមៗថាវាអាចជាធនធានដ៏ល្អសម្រាប់អង្គភាពរបស់យើង។ សម្រាប់អង្គការមិនរកប្រាក់ចំណេញនៅកម្ពុជា បច្ចេកវិទ្យាបញ្ញាសិប្បនិម្មិត (AI) អាចលើកកម្ពស់ការងាររបស់យើងបានប្រសើរ ជាពិសេស ដោយសារយើងជាអង្គភាពមិនរកប្រាក់ចំណេញ ដែលជាទូទៅ ធ្វើការដោយមានធនធាន និងកម្លាំងមនុស្សមានកម្រិត។  

ទោះជាយ៉ាងណាក៏ដោយ យើងក៏បានដឹងថាការរួមបញ្ចូល បច្ចេកវិទ្យាបញ្ញាសិប្បនិម្មិត (AI) មិនមែនជាដំណើរការងាយស្រួលនោះទេ ហើយវាទាមទារឱ្យមានការផ្លាស់ប្ដូរមួយក្នុងរបៀបដែលយើងធ្វើការ។ ក្នុងរយៈពេលប៉ុន្មានខែចុងក្រោយនេះ យើងបានប្រើប្រាស់យុទ្ធសាស្រ្តជាច្រើនដើម្បីប្រើប្រាសកម្មវិធី AI ជាធនធាន និងឧបករណ៍សម្រាប់ក្រុមការងាររបស់យើង។ នៅក្នុងការចុះផ្សាយខ្លឹមសារអត្ថបទនេះ យើងនឹងឈ្វេងយល់ពីរបៀបដែលអង្គការក្រៅរដ្ឋាភិបាលអាចត្រៀមខ្លួនសម្រាប់ការប្រើប្រាស់កម្មវិធី AI នៅកម្ពុជា និងរបៀបប្រើប្រាស់បច្ចេកវិទ្យាទាំងនេះឱ្យបានច្រើនបំផុត!