តើអ្វីទៅដែលនាំឱ្យយើងឆ្ពោះទៅរកភាពជោគជ័យក្នុងជីវិត

កញ្ញា អ៊ុង ហាន់ទី មានទីកន្លែងកំណើតនៅស្រុក សូត្រនិគម ខេត្តសៀមរាប។ កញ្ញា ជា និស្សិតបញ្ចប់ បរិញ្ញាបត្រផ្នែកហិរញ្ញវត្ថុ និងធនាគារនៃសាកល វិទ្យាល័យសៅអ៊ីស អេយសៀ ក្រុងសៀមរាប។ ក្រៅពីសិក្សាជំនាញនៅ សាកលវិទ្យាល័យហើយ កញ្ញាបានឆ្លៀតពេលវេលាទៅបំពេញនូវជំនាញ បន្ថែមទៅលើភាសាអង់គ្លេសនៅវិទ្យាស្ថាន ភាសាអង់គ្លេស អូស្ត្រាលី ហៅកាត់ អេ.ស៊ី.អ៊ី (ACE)។ កត្តាដែលកញ្ញាខំតស៊ូ ព្យាយាមជាមួយការសិក្សានេះ ជាលទ្ធផលផ្តល់ឱ្យកញ្ញា មានឱកាសបានចូលបបម្រើការងារនៅអង្គការ ផេពភី ក្នុងទីរួមស្រុកក្រឡាញ់ ជាមួយតួនាទីជាមន្ត្រីប្រតិបត្តិ និងអ្នកគ្រប់គ្រងគម្រោងអាហាររូបករណ៍។ ថ្វីត្បិតតែកញ្ញា បានជួបនូវការលំបាកមួយចំនួនជាមួយនឹងការបំពេញភារកិច្ច មិនតែប៉ុណ្ណោះត្រូវឃ្លាតឆ្ងាយពីលំនៅដ្ឋាន ទៀតក៏ដោយ ក៏កញ្ញានៅតែពេញចិត្តជីវិតការងារបែបនេះដែរ។ លើសពីនេះទៅទៀតនោះក្រៅពីការបំពេញការងារ ជាមួយនឹងអង្គការផេពភី ហើយកញ្ញាគឺជាយុវជនស្ម័គ្រចិត្តមួយរូបទៀតក្នុងការជួយរៀបចំនូវព្រឹត្តិការណ៍ខ្មែរថក ដែលជាព្រឹត្តិការណ៍នៃការចែករំលែកចំណេះដឹងដល់យុវជនវ័យក្មេងដោយមានវាគ្មិនបកស្រាយប្រធានបទ ទាក់ទងទៅនឹង ជំនាញដែលត្រូវការក្នុងជីវិតវិជា្ជជីវៈនិងផ្ទាល់ខ្លួនប្រចាំខេត្តសៀមរាប។ ដោយមូលហេតុមាន ការជឿជាក់យ៉ាងមុតមាំថាការចែករំលែកចំណេះដឹងបទពិសោធល្អៗទៅវិញទៅមក និងការទទួលយកនូវ ចំនេះដឹងថ្មីៗ អ្នកដទៃគឺអាចជួយដល់យុវជនកម្ពុជាមើលឃើញនូវភាពផ្លាស់ប្តូរនៅក្នុងសហគមន៍ ដែលនាំ ទៅរកភាពជោគជ័យក្នុងជីវិតរបស់ពួកគេ៕